Policia e Kosovës njofton se janë arrestuar pesë vëllezër në Prishtinë, nën dyshimin se kanë shtënë me armë zjarri nën dyshimin se shtëpia e tyre po tentohej të grabitej dhe se gjatë intervenimit nga policia kanë shtënë edhe në drejtim të tyre.
Në raportin 24 orësh të Policisë, thuhet se rasti është iniciuar si “Shkaktim i rrezikut të përgjithshëm”, “Vjedhje grabitqare” dhe “Armëmbajtje pa leje”.
Sipas Policisë, rasti ka ndodhur në lagjen “Përroi i Njelmët”, në rrugën “Okarina”, të shtunën rreth orës 21:10.
“Pas disa të shtënave me armë zjarri janë arrestuar pesë (5) të dyshuar meshkuj kosovarë (familjarë-vëllezër) nën dyshimin se te shtëpia e tyre person-a të panjohur kishin tentuar të kryej vjedhje me çka dhe kanë filluar të shtënë me armë zjarri ndërmjet njëri tjetrit, por pa ndonjë pasoj, ndërkohë gjatë intervenimit njësiteve policore për reagim të shpejtë (NJRSH) dhe në rroba civile, këtyre të fundit të shtënat e armëve ju kanë vishkulluar në drejtim të tyre, por pa pasoja”, thuhet në njoftim.
Policia njofton se në vendin e ngjarjes janë konfiskuar: Dy AK-47, një pushkë-mitraloz, 71 copë fishekë, ndërkohë me vendim të prokurorit janë kontrolluar shtëpitë e tyre dhe pas intervistimit të dyshuarit janë liruar në procedurë të rregullt.
