Arsenali ka marrë një fitore të madhe 5-1 në udhëtim te Crystal Palace, me Gabriel Jesus që shkëlqeu me dy gola.
Sulmuesi brazilian realizoi dy golat e parë në ndeshje, teksa po kalon formë të mrekullueshme.
Në fakt dy skuadrat londineze zhvilluan dy ndeshje radhazi, një në mesjavë në Kupë, ku Arsenali shënoi fitore 3-2 me het-trikun e yllit brazilian.
Është një rilindje për Gabriel Jesus, i cili rikthehet të shënoj pas një kohe të gjatë dhe atë pesë gola brenda dy ndeshjeve.
“Bëmë një punë. Jam shumë i kënaqur me golat. Presioni është gjithmonë për mua që të shënoj gola dhe jam shumë i lumtur”.
“Të jem i sinqertë, unë jam tipi i djaloshit që dëshiron të punojë shumë, i di cilësitë e mia. Në mendjen time e di se mund të shënoj, por thjesht duhet ta vendos veten në pozicionin për të përfunduar”.
“Kur luaj me një buzëqeshje në fytyrë, gjithçka është ndryshe”, deklaroi sulmuesi brazilian.
