Një tragjedi ka ndodhur në Larisa të Greqisë ku pas përplasjes së dy trenave kanë mbetur të vdekur 32 persona dhe janë plagosur 85 të tjerë.
Mes të plagosurve ka pasur edhe fëmijë të moshave 6-7 vjeç. Ndërkohë 32 të tjerë kanë shpëtuar pa dëmtime të shumta.
Ekipet e shpëtimit kanë punuar gjatë gjithë natës në përpjekje për të nxjerrë pasagjerët e bllokuar që ishin në një nga trenat kur u përplasën pranë qytetit të Larisës.
Treni thuhet se transportonte rreth 350 pasagjerë goditi një tren mallrash. Treni i pasagjerëve po udhëtonte nga Athina për në qytetin verior të Selanikut kur u përplas kokë më kokë me trenin tjetër, duke shkaktuar zjarr në të paktën një nga vagonët.
Pamjet e publikuara në faqet lokale të lajmeve treguan shtëllunga të dendura tymi që ngriheshin nga vagonët e dalë nga shinat.
Rreth 150 zjarrfikës dhe 40 ambulanca kanë qenë në vendngjarje, tha shërbimi zjarrfikës.
Nuk dihet ende se çfarë e shkaktoi përplasjen me trenin e pasagjerëve, i cili udhëtonte mes Selanikut dhe Larisës.
