Komuna e Suharekës sot në 21 – vjetorin e vrasjës, ka përkujtuar ish kryetarin e saj “Ukë Bytyçi” dhe dy shoqëruesit e tij Bafti Bajramin dhe Bajram Bytyqin të cilët u vranë menjëherë pas fitorës së LDK-ës në zgjedhjet lokale në këtë Komunë.
Në Akademinë përkujtimore që u mbajt me këtë rast kryetari i Komunës së Suharekës z. Bali Muharremaj, në mes tjerash ka theksuar:
“Sot, dje dhe në cilëndo kohë emri i Ukë Bytyçit nuk do të harrohet. Të paharrueshëm e bënë historia e tij, urtësia dhe veçantia e një njeriu të vendosur. Ai u sakrifikua gjithmonë për lirinë dhe demokracinë , në secilin moment të jetës së tij. Ukë Bytyçi u vra por nuk do të harrohet kurrë nga atdheu…” Ndërsa në emër të strukturave politike të LDK-së, ka folë dr. Ardian Shala, kryetar i degës së LDK-së në Suharekë. Pas pjesës foljore, familjës iu dhurua një punim artistik me portretin e Ukës, nga artistja e re Elsa Fondaj.
Në Akademi, siç është bërë traditë tashmë, u nda edhe çmimi “Ukë Bytyçi”, që jepët për udhëheqje dhe punë të mirë e që i është ndarë pronarit të Kompanisë “EUROING” z. Mefail Gashi, i cili shpërblimin prej 3000 euro që ndahet me çmimin ia dhuroi Bibliotekës së Qytetit “Hajdin Berisha”.
Pas Akademisë Përkujtimore, u bënë homazhe dhe u vunë kurora lulesh nga delegacione të ndryshme te shtatorja e Ukës, mbi varrin e tij në Semetisht dhe në ate të Bajram Bytyqit dhe Bafti Bajramit në fshatin Nishor
