I dërguari special i Shteteve të Bashkuara të Amerikës për Ballkanin Perëndimor, Gabriel Escobar, është takuar sonte me përfaqësuesit e opozitës.
Në takimin e organizuar në rezidencën e ambasadorit amerikan në Kosovë, Jeffrey Hovenier, morën pjesë kryetari i PDK-së, Memli Krasniqi, i kryetari i LDK-së, Lumir Abdixhiku, si dhe nënkryetari i AAK-së, Ardian Gjini.
Ky takim i Escobarit me opozitën i paraprinë atij të nesërmit i cili do të realizohet me presidenten e Republikës së Kosovës, Vjosa Osmanin.
Në takim u diskutuan zhvillimet aktuale në vend.
Indeksonline raporton se Escobar, pas Kosovës, do të udhëtojë drejt Ohrit të Maqedonisë së Veriut, atje ku të shtunën do të mbahet dialogu Prishtinë-Beograd.
