Një incident i rëndë ka ndodhur në fshatin Preoc të Graçanicës, ku një autosallon është përfshirë nga zjarri në orët e hershme të mëngjesit të 15 tetorit 2025.
Sipas policisë, nga zjarri janë dëmtuar pesë automjete, ndërsa pas veprimeve hetimore është arrestuar një i dyshuar mashkull kosovar.
Ai, pas trajtimit mjekësor në Repartin e Psikiatrisë të QKUK-së, është dërguar në mbajtje me vendim të prokurorit.
“Fsh. Preoc, Graçanicë 15.10.2025-04:20. Ankuesi mashkull kosovar, ka njoftuar se në autosallonin e tij, nga zjarri janë përfshirë pesë automjete. Lidhur me rastin është arrestuar i dyshuari mashkull kosovar, i cili pas trajtimit mjekësor në QKUK, Repartin e Psikiatrisë me vendim të prokurorit është dërguar në mbajtje. Rasti duke u hetuar“, thuhet në raportin 24-orësh të policisë.
