Tërshëra është ndër drithërat më të shëndetshme. Ky drith integral nuk përmban gluten si dhe është një burim i madh i vitaminave, mineraleve, fibrave dhe antioksidantëve të rëndësishëm. Në vijim përfitimet shëndetësore të tërshërës.
1- Vlera të larta ushqyese. Tërshëra është e pasur me karbohidrate, fibra, proteina dhe yndyra si dhe shumë vitamina dhe minerale. Një kupë me tërshërë (78 gram) përmban:
-Mangan: 191% e dozës ditore
-Fosfor: 41% e dozës ditore
-Magnez: 34% e dozës ditore
-Bakër: 24% e dozës ditore
-Hekur: 20% e dozës ditore
-Zink: 20% e dozës ditore
-Folate: 11% e dozës ditore
-Vitamina B1 (tiamin): 39% e dozës ditore
-Vitamina B5 (acidi pantotenik): 10% e dozës ditore
Sasi më të vogla të kalciumit, kaliumit, vitaminës B6 (piridoksinë) dhe vitaminës B3 (niacin)
Tërshëra përmban shumë antioksidantë të fuqishëm, duke përfshirë avenantramidet. Këto komponime mund të ndihmojnë në uljen e presionit të gjakut dhe të ofrojnë përfitime të tjera.
Tërshëra është e pasur me fibra të tretshme beta-glukan, e cila ka përfitime të shumta. Ndihmon në uljen e niveleve të kolesterolit dhe sheqerit në gjak, promovon bakteret e shëndetshme të zorrëve dhe rrit ndjenjën e ngopjes.
Tërshëra mund të ulë rrezikun e sëmundjeve të zemrës duke ulur kolesterolin total dhe kolesterolin e keq LDL.
Për shkak të fibrave të tretshme beta-glukan, tërshëra mund të përmirësojë ndjeshmërinë ndaj insulinës dhe të ndihmojë në uljen e niveleve të sheqerit në gjak.
Tërshëra është shumë ngopëse dhe mund t’ju ndihmojë të humbni peshë. Ajo e bën këtë duke ngadalësuar zbrazjen e stomakut dhe duke rritur prodhimin e hormonit të ngopjes PYY.
Tërshëra e bluar imët mund të ndihmojë me kujdesin e lëkurës. Prej kohësh ajo është përdorur për të ndihmuar në trajtimin e lëkurës së thatë dhe kruarjeve. Mund të ndihmojë në lehtësimin e simptomave të sëmundjeve të ndryshme të lëkurës, duke përfshirë ekzemën.
Disa studime sugjerojnë se tërshëra mund të ndihmojë në parandalimin e astmës tek fëmijët kur ata ushqehen me të që në moshë të hershme
Studimet tregojnë se krundet e tërshërës mund të ndihmojnë në reduktimin e kapsllëkut duke reduktuar ndjeshëm nevojën për të përdorur laksativë./albeu
