Policia e Kosovë bëri të ditur se ka arrestuar një person në komunën e Gjakovës nën dyshimin e kanosjes, ndërsa i janë gjetur edhe pistoleta e municione.
Snë një njoftim për media thuhet se Stacioni Policor në Gjakovë i është përgjigjur një rasti ‘kanosje’ të raportuar në fshatin Damjan-Gjakovë.
Zyrtarë Policorë të Njësisë së Hetimeve, në kuadër të këtij stacioni, kanë arritur të identifikojnë dhe të arrestojnë të dyshuarin B. D., (mashkull, shtetas i Republikës së Kosovës, lindur në vitin 1992).
Në posedim të të dyshuarit janë gjetur dhe janë konfiskuar dy pistoleta dhe 30 copë fishekë të cilat ai i posedonte në mënyrë të paautorizuar.
Me vendim të prokurorit të Shtetit (në koordinim me të cilin janë ndërmarrë të gjitha veprimet hetimore), i dyshuari është ndalur në mbajtje për 48 orë dhe është iniciuar rasti ‘kanosje’ dhe ‘mbajtje në pronësi, kontroll ose posedim të paautorizuar të armëve’.
