Paraveshit vendimit të Këshillit Grevist të Sindikatës për mos ndërprerjen e grevave në çerdhet “Yllkat”, në Prishtinë, Këshilli i Prindërve i kësaj çerdhe publike në mbledhjen e mbajtur me 15 shtator, ka marrë vendim unanim që të hënën me 19 shtator, do t’i dërgojnë fëmijët në kopsht, raporton KosovaNews.
Këtë vendim, prindërit e kanë marrë më shenjë proteste ndaj pamundësisë së tyre për t’i dërguar fëmijët në çerdhe.
Përmes njoftimit drejtuar prindërve, Këshilli i Prindërve ka bërë të ditur se kështu do të vazhdojnë çdo ditë deri në ndryshimin qëndrimit të stafit sindikalist për grevat në arsim.
Përmes këtij organizimi, Këshilli i Prindërve ka thënë se kanë për qëllim përcjelljen e mesazhit për rikthimin e fëmijëve në çerdhe.
“Nga ora 08:00-10:00 do te qëndrojmë bashkë me fëmijët, nëse është koha e mirë, ne oborr te brendshëm tek lodrat, e nëse është koha me shi, do te qëndrojmë nëpër dhoma te fëmijëve Çdo fëmijë do te merr, nga përfaqësuesi i këshillit te prindërve, te atij grupi, nga një balonë, me mesazh për rikthim ne kopsht. Balonat do te jene me mbishkrime te përgatitura nga KP.”, thuhet në njoftim, raporton KosovaNews.
Në këtë organizim, janë ftuar edhe prindërit e fëmijëve me qëllim të përkrahjes së këtij vendimi të këshillit të prindërve.
Këshilli i Prindërve, përmes një thirrje i ka njoftuar edhe edukatorët dhe stafin e IP “Yllkat”.
Prindërit, u kanë bërë thirrje stafit të çerdhes që t’i kthehen punës dhe të gjejnë metoda tjera për realizimin e kërkesave të tyre për të cilët do të kenë mbështetjen edhe të prindërve.
“Dinjiteti dhe humanizmi, nuk blihen me para. Andaj, ta ruajmë njëri tjetrin duke krijuar mirëbesim dhe jo përçarje e mëri, fëmijët mos të përdoren si peng për realizimin e kërkesave të juaja.”, thuhet ndër të tjera në letrën e prindërve dërguar stafit të çerdhes./KosovaNews/
Lexo po ashtu:
