Ministria e Kulturës Rinisë dhe Sportit ka njoftuar se listës së trashëgimisë nën mbrojtje të përkohshme iu shtuan edhe 19 asete të reja të cilat i takojnë trashëgimisë arkitekturore dhe asaj shpirtërore.
Njëra ndër astetet e cekura nga kjo ministri, është edhe Bodrumi i Vjetër në Suharekë, ndërtesë e cila ka më shumë se dhjetë vite që është e privatizuar.
MKRS ka njoftuar se kjo është bërë në pajtueshmëri me ligjin për Trashëgimi Kulturore.
Asetet të cilat janë marrë nën mbrojtje të përkohshme janë të paraqitura më poshtë:
• Kroi i fshatit në Istog
• Ndërtesa e ish Pallatit te Shtypit “Rilindja”- Salla e shtypshkronjës, Prishtinë
• Materniteti “Nënë Tereza”, Prishtinë
• Shtëpi Banimi – (Shtëpia e zjarrit) Hysë Popova, Podujevë
• Kulla e Hamit Berishes, Harilaq, Fushë Kosovë
• Shtëpia-Kullë e lsmet Xhemailit, Keçekollë, Prishtinë
• Xhamia e Vjetër, Orllan, Podujevë
• Shtëpia e Kulturës “Xhemajli Berisha”, Prizren
• Hani i familjes Zaimi, Prizren
• Bodrumi i Vjetër, Suharekë
• Kompleksi i Familjes Kodra, Çadrak, Suharekë
• Ndërtesa e Selisë sëPartive Politike, Mitrovicë
• Ndërtesa e Turist Kosovës, Mitrovicë
• Kulla e Shaban Lushtakut, Mitrovicë
• Xhamia në fshatin Abri, Skenderaj
• Xhamia ne fshatin Burojë, Skenderaj
• Mbathtorja e Agës Xhelë, Pogragjë, Gjilan
• Shkolla e vjetër në Kokaj, Gjilan
• Shtëpia e ldriz Feratit, Çelik, Gjilan
“Gjithmonë në harmoni me Konventat ndërkombëtare, qëllimi i mbrojtjes së ndërtesës është definimi profesional i vlerave dhe rëndësisë që ka, si dhe transmetimi i tyre tek brezat e ardhshëm”, bëhet e ditur në njoftim
