Kosova është palë konstruktive, e përgatitur dhe e angazhuar në procesin e dialogut të përqëndruar në njohjen e ndërsjellë, ka thënë e para e shtetit të Kosovës, Vjosa Osmani
pas takimit që e kishte më emisarin e ShBA-së për Ballkanin Perëndimor, Gabriel Escobar dhe atë të Bashkimit Evropian, Miroslav Lajçak, përcjell KosovaNews.
Në këtë takim, presidentja Osmani ka shprehur përkushtimin e Kosovës për ta vazhduar bashkëpunimin dhe koordinimin me partnerët e saj, duke potencuar se angazhimi i vendit në dialog është i bazuar në mbrojtjen e sovranitetit, rendit kushtetues dhe integritetit territorial të Kosovës, të cilat janë të paprekshme.
Po asshtu, gjatë takimit presidentja ka theksuar se Kosova asnjëherë nuk ka kontribuar në tensione dhe është angazhuar vazhdimisht për paqe dhe stabilitet si dhe për zgjidhje evropiane.
Ajo, shtoi se vendi ynë është i ndërtuar mbi parimin e një shoqërie multietnike ku të gjithë kanë të drejta të barabarta, pa dallim etnie./KosovaNews/