Reshjet masive të shiut që po vazhdojnë gjatë gjithë muajit qershor kanë bërë që pas shumë vitesh Liqeni i Badocit të mbushet dhe të kalojë nivelin maksimal të kapërderdhjes.
Kjo është hera e parë pas më shumë se 10 vitesh që liqeni i Badovcit arrin në nivelin maksimal. Edhe përkundër dëmeve dhe vërshimeve që kanë ndodhur në Kosovë ditëve të fundit për shkak të reshjeve të mëdha, megjithatë këto reshje kanë edhe të mirat e tyre duke bërë që të mblidhen rezerva të mëdha të ujit të pijes.
Edhe Liqeni i Batllavës tashmë ka kaluar në nivelin e kapërderdhjes muajin e kaluar duke bërë që për këtë verë të ketë rezerva të mjaftueshme të ujit të pijes për kryeqytetin me rrethinë.
