Kryetari i Kuvendit të Kosovës, Glauk Konjufca ditë më parë ka pësuar një lëndim dhe për këtë shkak nuk ka qenë në gjendje që të paraqitet në vendin e tij të punës për disa ditë.
Konjufca ka pësuar një krisje të kapakut të gjurit dhe për këtë i kanë rekomanduar mjekët disa ditë pushim.
Por sot në pjesën e dytë të punimeve të seancës Konjufca është kthyer ë punë dhe tashmë po udhëheq seancën e Kuvendit.
Shefi i kabinetit të kryekuvendarit, Ilir Kërqeli, në ditën e lëndimit Konjufca mori trajtim në një prej klinikave të QKUK-së.
“Kryetari ka pësuar një lëndim dhe për këtë arsye në repartin e Kirurgjisë mbrëmë rreth orës 19:30 ka bërë ekzaminimet e nevojshme nga të cilat ka rezultuar se ka një krisje të kapakut të gjurit. Mjekët i kanë rekomanduar që të pushojë disa ditë”, pati thënë ai për KosovaNews.
