Dogana e Kosovës ka bërë të ditur se në hyrje të Kosovës, në Merdar, ka parandaluar një rast të kontrabandës me mallra.
Deri te parandalimi ka ardhur pasi është ushtruar kontroll në një autobus dhe si rezultat është zbuluar një sasi e konsiderueshme malli të padeklaruar.
Sipas njoftimit të Doganës, në këtë rast, janë gjetur të fshehura dhe të padeklaruara 189 njësi elektrike duke përfshirë priza, ndërprerës dhe termometra, me një vlerë përafërsisht 8,000.00 euro.
“Malli i padeklaruar është sekuestruar dhe në përputhje me rregulloret aktuale, derisa janë nisur procedurat kundërvajtëse ndaj kompanisë përgjegjëse”, shkruan në njoftimin e Doganës në Facebook.
