Presidentja e Kosovës, Vjosa Osmani, i ka përkujtuar viktmat e Masakrës Tusuz në Prizren, në 25 vjetorin e rënies së tyre.
Përmes një postimi në rrjetin social “Facebook”, presidentja shkroi se më 26 maj të 1999 forcat e regjimit gjenocidal të Serbisë vranë mizorisht 27 banorë dhe masakra e Tusuzit ndodhi në pragun e lirisë së Kosovës.
Osmani tha se “kjo lagje shquhet për kontributin e dhënë dhe sakrificën për lirinë e Kosovës, ndaj vendosja e drejtësisë për viktimat është përkushtim i çdoditshëm yni”.
“Qoftë i përhershëm kujtimi për martirët dhe të gjithë të rënët për liri!”, tha Osmani.
