Për nder të 15-vjetorit të pavarësisë së Kosovës, Presidentja e Kosovës, Vjosa Osmani, ka ndarë medalje për personalitete nga sfera e kulturës, sportit dhe sigurisë për personalitete që kanë dhënë kontribut dhe kanë sakrifikuar për lirinë e Kosovës.
Presidentja Vjosa Osmani, tha se sot janë duke i nderuar këto personalitete për shkak se në të shkuarën me kurajën dhe guximin që kanë pasur, kanë dhënë një kontribut të veçanta dhe domethënës për Kosovën.
Ajo tha se sot do të dekorohen me medalje edhe personalitet të cilët janë dëshmitar të gjenocidit të Millosheviqit.
“Sot jemi mbledhur këtu për ti nderuar njerëzit e merituar që kanë kontribuar në shtet ndërtimin tonë. Datat e veçanta siç është shënimi i ditës së pavarësisë, janë momente reflektimi të së kaluarës dhe të mardhës. Këto personalitete të shkuara me kurajën dhe guximin kanë dhënë një kontribut të veçanta dhe domethënës për Kosovës. Kanë demonstruar që secili ka fuqi për të bërë një ndryshim. Në mesin e tyre janë personalitete vendore e ndërkombëtare, e një numër edhe kanë vdekur. Në emër te të gjithë qytetarëve të republikës së Kosovës dua të jua shpreh falënderimin. Në mesin e atyre që dekorohen sot ka të tillë që janë dëshmitar të masakrave më të tmerrshme në Kosovë, sot do tu dekorojmë ata njerëz të cilët janë dëshmitar të gjenocidit të Millosheviqit”, u shpreh Osmani.
“Kemi këtu Besarta Jasharin,… Sot duke nderuar Ferdonijen dekorojmë gjithë ata prindër që s’rreshtën për ti kërkuar bijtë e tyre. Masakra e Reçakut bëri bujë në botë sot me ne është Ramë …Historitë e secilit prej tyre na frymëzojnë më shumë për ta thënë e dëshmuar ta vërtetën. Mos të harrojmë se liria jonë është edhe rezultat i aleancave të mëdha dhe me vlera, prandaj në mesin e të dekoruarve ka edhe miq ndërkombëtar. Këtë shtet që e ndërtuam së bashku sot po e mbrojnë policët tanë. Sportistët tanë si çdo herë po e valëvisin flamurin tonë në çdo anë të botës”, tha ajo.
