Presidentja Vjosa Osmani dhe Kryeministri Albin Kurti do të priten sonte në takim nga Sekretari amerikan i Shtetit, Antony Blinken. Takimi do të mbahet në Departamentin Amerikan të Shtetit në ora 16:30, sipas orës lokale në Uashington D.C., respektivisht në ora 22:30 sipas kohës së Kosovës
Sipas raportimit të RTK takimi pritet të zgjat një orë.
Pra takimi do të përfundoj me kohën lokale në ora 17 e 30 dhe ky është takimi më i rëndësishëm i së martës.
Takime të tjera nuk ka të planifikuara për këtë ditë.
Ndërkaq, siç ka raportuar KosovaNews të mërkurë krerët e shtetit të Kosovës do t’i gjej në ceremoninë e nënshkrimit të Marrëveshjes së programit compakt me Korporatën e Sfidave të Mijëvjeçarit -MMC.
Por, për çfarë do të flasin në këtë takim?
Sipas njoftimit të Zyrës së Presidencës së Republikës së Kosovës (ZPRK), të lëshuar më herët për mediat thuhet se në fokus të diskutimeve do të jetë thellimi i partneritetit bilateral Kosovë-SHBA në nivel strategjik, angazhimi i përbashkët në drejtim të adresimit të sfidave ndaj paqes dhe sigurisë në rajon dhe Evropë, si dhe mbështetja për Kosovën në sektorët strategjik, raporton KosovaNews.
Aty thuhet se Osmani do të kërkojë vazhdimin e mbështetjes amerikane për forcimin e pozitës ndërkombëtare të Kosovës, duke përfshirë edhe anëtarësimin në organizata ndërkombëtare
“Në takim, Presidentja Osmani do të kërkoj vazhdimin e mbështetjes amerikane për forcimin e pozitës ndërkombëtare të Kosovës, duke përfshirë edhe anëtarësimin në organizata ndërkombëtare. Ajo do ta informojë Sekretarin Blinken edhe për hapat të cilat i ka ndërmarrë Kosova në avansimin e rrugëtimit euroatlantik, si dhe për angazhimin aktiv të institucioneve të Kosovës në drejtim të zbatimit të reformave në fushën e sundimit të ligjit”, thuhet në njoftim.
Osmani dhe Kurti pritet të diskutojnë me Blinkenin edhe për intensifikimin e bashkëpunimit në fushën e mbrojtjes dhe ekonomisë.
“Me qëllim të hapjes së kapitujve të rinj të bashkëpunimit nën kornizën e partneritetit bilateral strategjik, do të diskutohet edhe për intensifikimin e bashkëpunimit në fushën e mbrojtjes, ekonomisë, si dhe fusha të tjera të rëndësisë së veçantë. Takimi do të mbahet sot në Departamentin Amerikan të Shtetit në ora 16:30, sipas orës lokale në Uashington D.C., respektivisht në ora 22:30 sipas kohës së Kosovës”, thuhet në njoftimin e Presidencës./KosovaNews/