Ministri i Infrastrukturës, Liburn Aliu, e ka publikuar një fotografi në rrjetin e tij social Facebook, ku në këtë foto shihet se ai është së bashku me presidenten e Kosovës, Vjosa Osmanin dhe me ish-sekretarin e Shteteve të Bashkuara të Amerikës, John Kerry.
Më tej, Aliu ka thënë se bashkë me Osmanin dhe Kerryin, e kanë dëgjuar fjalimin e nënpresidentes së ShBA-së, Kamala Harris.
“Së bashku me Presidenten Osmani, e me mikun tonë ish-sekretarin, John Kerry, dëgjuam fjalimin përmbyllës e inspirues për veprimet ndaj ndryshimeve klimatike, nga ZëvendësPresidentja e ShBA-ve, Kamala Harris”, ka thënë ai.
Ndërkohë, Aliu ka thënë se Kosova i është bashkangjitur komunitetit ndërkombëtar në dedikimin për trefishimin e energjisë së rinovueshme.
“Përfundimi i “World Climate Action Summit”, ku edhe Kosova i është bashkangjitur komunitetit ndërkombëtar në dedikimin për trefishimin e energjisë së rinovueshme dhe dyfishimin e efiçiencës së energjisë deri më 2030”, ka përfunduar Aliu.
