Opera e Kosovës ka nisur provat regjisoriale për inskenimin e operës së parë kosovare, “Goca e Kaçanikut” të kompozitorit Rauf Dhomi.
Udhëheqësi i këtij institucioni, Meriton Ferizi, ka njoftuar se kjo vepër do të inskenohet si e plotë për herë të pare, duke ardhur si premierë botërore por edhe premierë në Kosovë.
“Prova e parë regjisoriale filloi me shumë energji, vullnet, profesionalizëm dhe pozitivitet, e udhëhequr nga regjisori i mirënjohur shqiptar Nikolin Gurakuqi me solistët dhe korin, për realizimin dhe inskenimin e Operës së parë Kosovare ‘Goca e Kaçanikut”, ka shkruar Ferizi.
“Goca e Kaçanikut planifikohet të shfaqet për Pavarësinë e Kosovës. Në Shqipëri kjo vepër është inskenuar në vitin 1979 në TKOB-së në Tiranë. Vepra është krijuar me libret nga Ajmone Dhomi dhe Jusuf Buxhovi.
