Organizata e Kombeve të Bashkuara ka njoftuar se shumë nga personat që u trajtuan për lëndime pas një rrëmuje në një autokolonë me ndihma humanitare në Gazë, kishin pësuar plagë me armë zjarri.
Vëzhguesit e OKB-së vizituan spitalin Al-Shifa të qytetit të Gazës dhe panë disa nga rreth 200 personat që ende po trajtoheshin. Hamasi, i cili qeveris Gazën, ka akuzuar Izraelin se ka qëlluar kundër civilëve, por Izraeli tha se shumica vdiqën në një rrëmujë pasi trupat e tij qëlluan me të shtëna paralajmëruese.
Udhëheqësit në mbarë botën kanë bërë thirrje për një hetim të plotë.
Incidenti ndodhi pasi qindra njerëz zbritën në një autokolonë ndihmash teksa lëvizte përgjatë një rruge bregdetare, të shoqëruar nga ushtria izraelite, në orët e para të mëngjesit të së enjtes. Në pamjet nga vendi i ngjarjes, dëgjohen breshëri të shtëna me armë zjarri dhe njerëzit shihen duke u përplasur mbi kamionë dhe duke u ulur pas automjeteve.
Ministria e shëndetësisë e Gazës, e drejtuar nga Hamasi, ka thënë se të paktën 112 persona u vranë në incident dhe se 760 të tjerë u plagosën. Programi Botëror i Ushqimit ka paralajmëruar per rrezikun e urisë në Gazën veriore, e cila ka marrë shumë pak ndihmë në javët e fundit, dhe ku rreth 300 mije njerëz jetojnë me pak ushqim ose ujë të pastër.
Dr Mohamed Salha, menaxher i përkohshëm i spitalit në spitalin al-Awda, i tha per BBC se al-Awda kishte marrë 176 nga të plagosurit, nga të cilët 142 kishin plagë plumbash. Ai shtoi se të tjerët kishin pësuar thyerje të gjymtyrëve në rrëmujë.
Duke iu përgjigjur incidentit, Sekretari i Jashtëm i Mbretërisë së Bashkuar Lord Cameron i quajti vdekjet “të tmerrshme” dhe tha se “duhet të ketë një hetim urgjent dhe përgjegjësi”. “
Presidenti i SHBA Joe Biden njoftoi se SHBA do të fillojë të lëshojë ndihma në Gaza nga ajri, duke thënë: “Njerëz të pafajshëm u kapën në një luftë të tmerrshme, të paaftë për të ushqyer familjet e tyre. Ne duhet të bëjmë më shumë, dhe Shtetet e Bashkuara do të bëjnë më shumë.”
Ministria e shëndetësisë e Gazës, e drejtuar nga Hamasi, thotë se më shumë se 30,000 njerëz përfshirë 21,000 fëmijë dhe gra, janë vrarë në Gaza me rreth 7,000 të zhdukur dhe të paktën 70,450 të plagosur.
