Edhe 1 mijë e 480 raste me COVID-19 janë konfirmuar në 24 orët e fundit në Kosovë.
Kjo është bërë e ditur me anë të një komunikate për media nga Ministria e Shëndetësisë.
Fatmirësisht, në 24 orët e fundit nuk është konfirmuar asnjë viktimë.
Rezultatet vijnë pas 3 mijë e 702 testimeve.
Sipas njoftimit, në 24-orët e fundit janë dhënë 115 doza të vaksinës kundër COVID-19.
Deri më tani, autoritetet shëndetësore kanë dhënë mbi 1.8 milion vaksina kundër këtij virusi.
Mbi 900 mijë banorë kanë marrë dozën e parë, mbi 800 mijë të dyja dozat, ndërsa edhe të tretën mbi 100 mijë.
Prej raportimit të rasteve të para me koronavirus, në mars të vitit 2020, autoritetet shëndetësore në Kosovë kanë regjistruar mbi 3 mijë vdekje.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020.
