Kryetari i Aleancës për Ardhmërinë e Kosovës, Ramush Haradinaj tha se nuk janë ftuar në takim konsultativ nga kryeministri në detyrë, Albin Kurti.
“Nuk i shkojmë [në takim]”, tha Haradinaj në një të martën më 8 prill.
Sipas tij, ata që e mbështesin qeverisjen e Kurtit, bëjnë “një dëm të madh për vendin”.
Gjatë ditës së hënë u bë e ditur se Kurti ka ftuar për takim kryetarin e LDK-së, Lumir Abdixhiku, para mbajtjes së seancës konstituive të Kuvendit të Kosovës.
Në LDK për thanë se Abdixhiku do të shqyrtojë këtë ftesë dhe më pas do t’i përgjigjen Kurtit.
Ndërkaq, Haradinaj tha se opozita duhet të “qëndrojë bashkë dhe t’i jap vendit ndryshimin e pritur”.
Kurti e di që nuk ka takim me ne, nuk na ka ftuar, nuk i shkojmë ajo dihet”, tha shkurt Haradinaj.
Kryetari i AAK-së tha se votuesit nuk i kanë dhënë besimin e plotë Kurtit.
Në zgjedhjet parlamentare të 9 shkurtit, Lëvizja Vetëvendosje ka dalë e para me 42.30 për qind të votave, rrjedhimisht do t’i ketë 48 deputetë në Kuvend./kp/
