Zëvendësministri i Shëndetësisë, Arsim Berisha, ka bërë të ditur se ministri i Shëndetësisë, Arben Vitia, ka nënshkruar Udhëzimin Administrativ për shkollimin specialistik, duke sjellë tri politika të reja që synojnë mbështetjen e profesionistëve shëndetësorë dhe forcimin e sistemit shëndetësor në vend.
Sipas Berishës, një nga ndryshimet kryesore lidhet me uljen e tarifës për specializim për qytetarët nga të gjitha viset shqiptare. Ai tha se kandidatët që deri më tani paguanin 3000 euro në vit, tashmë do të paguajnë vetëm 500 euro, njëjtë si qytetarët e Republikës së Kosovës.
Po ashtu, ai njoftoi se për herë të parë specializanteve që janë në pushim të lehonisë do t’u vazhdohet pagesa pas rikthimit në specializim, duke e cilësuar këtë si një hap të rëndësishëm drejt mbështetjes së grave në profesion dhe avancimit të barazisë.
Një tjetër ndryshim, sipas Berishës, ka të bëjë me përvojën njëvjeçare të punës, e cila tashmë do të shërbejë vetëm si kriter poentues dhe jo si kusht obligativ, duke krijuar më shumë mundësi për kandidatët e rinj.
Në fund, zëvendësministri u ka uruar suksese të gjithë kandidatëve që do të nisin rrugëtimin specialistik, ndërsa ka paralajmëruar se shumë shpejt do të hapet edhe konkursi i ri për specializime.
Postimi i Plotë:
Sot, Ministri i Shëndetësisë Arben Vitia nënshkroi Udhëzimin Administrativ për shkollimin specialistik, duke sjellë tri politika të reja në mbështetje të profesionistëve shëndetësorë dhe forcimit të sistemit shëndetësor në vend.
👉🏻 Qytetarët nga të gjitha viset shqiptare, të cilët deri më tani paguanin 3000€ në vit për specializim, tashmë do të paguajnë vetëm 500€, njëjtë si qytetarët e Republikës së Kosovës.
✅ Për herë të parë, specializanteve në pushim të lehonisë do t’u vazhdohet pagesa pas rikthimit në specializim — një hap i rëndësishëm drejt barazisë dhe mbështetjes së grave në profesion.
📌 Po ashtu, përvoja 1-vjeçare e punës tani do të jetë vetëm kriter poentues, duke krijuar më shumë mundësi për kandidatët e rinj.
🫶🏻 Suksese të gjithë kandidatëve që nisin rrugëtimin e tyre specialistik!
Shumë shpejt konkursi i ri…..
