Këshilli i mësueseve të shkollës fillore “Këlmend Rizvanolli” në Gjakovë ka vendosur të ndërpresë grevën dhe ditën e merkurë, më datë 14.9.2022m të fillojë mësimin e rregullt.
Përmes një njoftimi në faqen zyrtare të shkollës, në të cilin është publikuar edhe orari për secilën klasë, thuhet se mësimi do të fillojë nga nesër.
“Me qëllimin e vetëm dhe për të mirën e nxënësve, Këshilli i Mësueseve të Sh.F.”Këlmend Rizvanolli” ka vendosur që ditën e merkurë, më datë 14.9.2022, të fillojë mësimin e rregullt”, thuhet në njoftim.
Mësimi do të zhvillohet me këtë orar:
Klasa përgatitore – Ora:10:00
Klasa e I-rë -Ora:13:00
Klasa e II-të, III/2 dhe III/ 4 -Ora: 12:30
Klasa III/1 dhe III/3, IV dhe V – Ora: 8:00
Për informata më të hollësishme, prinërit dhe nxënësit do të njoftohen nga mësueset e klasave.
