Një grua ka kërkuar ndihmë mjekësore në Qendrën Kryesore të Mjekësisë Familjare (QKMF) në Malishevë pasi dyshohet se është sulmuar fizikisht nga bashkëshorti i saj.
Kështu është bërë e ditur në raportin 24 orësh të Policisë, ku thuhet se rasti ka ndodhur të shtunën rreth orës 18:20 dhe është iniciuar si “Dhunë në familje”.
“Viktima femër kosovare ka kërkuar ndihmë mjekësore në QKMF, pasi që dyshohet se është sulmuar fizikisht nga bashkëshorti i saj i dyshuari mashkull kosovar. I dyshuari gjendet në arrati. Rasti është duke u hetuar”, thuhet në njoftim.
