Në Astrazup të Malishevës ka ndodhur një aksident i rëndë trafiku. Sipas zëdhënësit të policisë për rajonin e Gjakovës, Sheremet Elezi, një grua dhe një burrë kanë ndërruar jetë. Në vendin e ngjarjes ndodhen policia dhe ekipet mjekësore
“Sot rreth orës 15:50, në fshatin Astrazub të Malishevës është raportuar një aksident trafiku në mes të dy automjeteve.
Në vendin e ngjarjes menjëherë kanë dalë njësitet e nevojshme policore dhe ekipi i ndihmës së shpejtë, ku nga personeli mjekësor është konstatuar vdekja e dy personave të rritur (një femër dhe një mashkull), ndërsa dy persona të tjerë janë dërguar për trajtim mjekësor.
Në konsultim me Prokurorin e Shtetit, trupat e viktimave dërgohen për ekzaminim mjeko-ligjor” deklaroi Elezi.
