Një grua është dërguar pa shenja jete të shtunën në emergjencën e Spitalit të Ferizajt.
Në raportin e Policisë është bërë e ditur të dielën se vdekjen e viktimës e ka konstatuar ekipi mjekësor, ndërsa njësiti policor ka dalë në vendin e ngjarjes.
Lidhur me rastin, thuhet se janë intervistuar dy persona të dyshuar.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.
