Policia e Kosovës njofton se një person ka raportuar në Polici se dyshohet se si pasojë e mosdhënies së shërbimit mjekësor, një grua ka ndërruar jetë.
Në raportin 24 orësh të Policisë, thuhet se rasti ka ndodhur më Gjilan, të martën rreth orës 14:30.
Rasti është iniciuar si “Mosdhënia e ndihmës mjekësore”.
“Ankuesi mashkull kosovar ka raportuar se dyshohet se si pasojë e mosdhënies së shërbimit mjekësor viktima femër kosovare ka ndërruar jetë. Lidhur me rastin në vendngjarje kanë dalë njësitë kompetente policore për trajtim të rastit, ndërsa me urdhër të prokurorit të shtetit trupi i pajetë i viktimës është dërguar në IML për obduksion”, thuhet në njoftim.
