Komuna e Gjilanit ka njoftuar se ka filluar punimet për rregullimin e rrugës kryesore që të çon në fshatin Kurexhaj, projekt ky që i përgjigjet një kërkese të kahershme të banorëve të zonës.
Sipas njoftimit, për të parë nga afër ecurinë e punimeve, fshatin e vizitoi edhe kryetari i komunës, Alban Hyseni, së bashku me drejtorin e Shërbimeve Publike, Kushtrim Ibrahimi, dhe zyrtarë të tjerë komunalë.
“Rreth 6 kilometra rrugë po trajtohen – një kërkesë e kamotshme e banorëve me prejardhje nga ky fshat”, deklaroi kryetari Hyseni.
Ndërsa drejtori Ibrahimi konfirmoi se kjo rrugë është një nga projektet infrastrukturore të cilat kanë qenë të prioritetit për këtë pjesë të komunës.
Tutje thuhet se banorët shprehën falënderimin për fillimin e punimeve dhe mbështetjen e institucioneve komunale.
