Kryeministri izraelit Benjamin Netanyahu ka mbajtur një fjalim, ndërsa marrëveshja e armëpushimit në Gaza ka hyrë në fuqi.
Netanyahu konfirmoi se trupat e Izraelit do të qëndrojnë në Gaza për të vazhduar presionin mbi Hamasin derisa grupi të çarmatoset.
Ushtria izraelite aktualisht po ripozicionohet në vijën fillestare të tërheqjes së rënë dakord brenda Gazës, siç përcaktohet në marrëveshjen e armëpushimit.
Duke qëndruar në territor, Izraeli po “kap Hamasin nga të gjitha anët në përgatitje për fazat e ardhshme të planit”, sipas Netanyahut, duke iu referuar fazës së dytë të planit të paqes të Donald Trump.
Kjo kërkon që Hamasi të çarmatoset dhe të tërhiqet nga qeveria në Gaza, e cila gjithashtu do të çmilitarizohet.
“Nëse kjo arrihet në mënyrën e lehtë – kështu qoftë; nëse jo – do të arrihet në mënyrën e vështirë”, tha Netanyahu.
