Raportuesi për vizat në Parlamentin Evropian, Matjazh Nemec shpreson se ky institucion do t’i përfundojë të gjitha procedurat e vendimmarrjes gjatë mandatit ekzistues të Parlamentit. Nemetz u emërua me 4 mars raportues për heqjen e vizave për qytetarët e Kosovës të cilët posedojnë pasaporta nga organet serbe.
Në një përgjigje me shkrim nga kabineti i tij, eurodeputeti u konfirmua se ai tashmë e ka përgatitur raportin ndërsa votimi në komunitetin Libe pritet që të ndodhë më 8 prill.
Miratimi i vendimit për heqjen e vizave për qytetarët serb të Kosovës që nuk kanë pasaporta të Republikës së Kosovës, pritet sipas planit të bëhet në seancën plenare të Parlamentit Evropian në muajin prill.
“Agjenda është sigurisht e përkohshme. Në çdo moment mund të ndryshojë, nëse kështu vendos shumica në Parlamentin Evropian. Megjithatë, qëllimi i z.Nemec është që ne të miratojmë dosjen në seancën e fundit plenare në prill dhe do të përpiqemi të shohim që kjo të ndodhë”, thuhet në përgjigje me shkrim nga kabineti i tij.
Afati kohor është i rëndësisë së veçantë sepse në prill mbahet seanca e fundit plenare e kësaj strukture të Parlamentit Evropian. Zgjedhjet Evropiane mbahen në qershor ku si rezultat do jenë një strukturë tjerët në institucionet e Brukselit.
Vendimi për heqjen e vizave për poseduesit e pasaportave serbe në Kosovë duhet të kalon nëpër të gjitha procedurat e rregullta. Kjo nënkupton edhe miratimin nga dy institucionet: Parlamenti në njërën anën por edhe Këshilli i Ministrave në anën tjetër. Vetëm pas votimit nga këto dy institucione dhe publikimit të vendimit në gazetë zyrtare mund të hyj në fuqi vendimi për heqjen e regjimit të vizave këtë kategori të qytetarëve të Kosovës.
