Shërbimi Spitalor Klinik dhe Universitar i Kosovës (SHSKUK) ka bërë të ditur se gjatë ditës së djeshme (e enjte) Klinika e Kirurgjisë Torakale për herë të parë ka vënë në funksion aparaturën e re “Nuss” – procedurë e cila realizohet me Vats që është intervenim kirurgjik në gjoks.
SHSKUK-ja, nëpërmjet një njoftimi, ka bërë të ditur se përmes aparaturës së re për herë të parë në Kosovë janë realizuar dy operacione.
Për procedurën “Nuss” pacientët deri ditën e djeshme janë referuar për trajtim jashtë vendit ndërsa tash e tutje sipas SHSKUK-së plotësohen të gjitha kushtet për intervenime kirugjike në gjoks.
