Komuna e Prizrenit, që është nën udhëheqjen e Shaqir Totajt të PDK-së, më 9 shtator ka hapur tender për blerjen e perdeve për Shtëpinë e Bardhë në këtë Komunë, shkruan KosovaNews.
Lidhur me këtë, ka pasur reagime të shumta në rrjete sociale nga partitë opozitare në Prizren.
Sipas asamblistit të Lëvizjes Vetëvendosje në këtë Komunë, Selman Sokoli, një gjë e tillë nuk është në rregull kur qytetarët janë në gjendje të rëndë.
Nuk është në rregull kjo definitivisht. PDK-ja në opozitë po mundohet për neve e partia e tij në Prizren “ne kete gjendje te rende per qytetarin” brengë kryesore qenka vënia e perdeve të reja në zyret e tyre.” ka shkruar Sokoli.
Për rastin, reagoi edhe kuvendarja e po të njëjtës parti, Dafina Alishani, përmes një postimi në facebbok me mbishkrimin “Prioritetet miq, prioritetet…”
Por, nuk është vetëm kaq.
Në lidhje me tenderin e hapur nga Komuna për blerjen e perdeve, ka reaguar edhe asamblisti i Partisë Guxo, Petrit Hoxhaj, duke ironizuar me kryetarin Totaj.
