Në disa shkolla në Prishtinë po ka mësimdhënës që po e kundërshtojnë grevën.
Madje në shkollën “Ali Sokoli” në Prishtinë raportohet se po mbahet mësimi rregullisht. Në shkollën “Dardania” disa mësimdhënës kanë njoftuar nxënësit në grupe në Viber se mbahet mësimi sipas planit.
Në shkollën “Ismail Qemaili” në Prishtinë po ashtu raportohet se ka pasur përçarje mes mësimdhënësve sa i përket grevës.
Po ashtu edhe në gjimnazin “Sami Frashëri” në Prishtinë jo të gjithë mësimdhënësit kanë qenë njëzëri për grevën, ndonëse shkolla i është bashkuar grevës.
