Shefja e Grupit Parlamentar të VV-së pas mbledhjes së kryesisë, ka thënë se kryeministri Albin Kurti është duke i vazhduar angazhimet e tij, me qëllim që të gjindet zgjidhje, sa i përket zgjedhjes së presidentit.
“Besoj që në ditët e mbetura, të arrijmë një pajtueshmëri dhe mbështetje, propozime konkrete dhe të gjejmë një zgjidhje për zgjedhjen e presidentit”, thotë Nagavci.
Ndërsa ka thënë se zgjedhjet e reja janë të panevojshme dhe të padrejta.
“Pres dhe besojë që jo vetëm ne si deputetë të grupit tonë parlamentar, por dhe qytetarët presin që të ketë një zgjidhje. Presim propozime konkrete dhe të gjendet një zgjidhje, të votohet presidenti. E kemi thënë disa herë që një palë zgjedhje të reja, jo vetëm që janë të panevojshme, por janë dhe të padrejta dhe nuk sjellin asnjë rezultat”, thotë Nagavci.
