Deputetja e PDK-së, Ganimete Musliu i ka reaguar deputetes së LVV-së, Arjeta Fejza e cila tha se në Kosovë ka femicid.
Musliu ka pyetur se kujt po i konvenon ta bëjë shoqërinë tonë femicide.
Ajo ka thënë se duhet kuptuar që në shoqërinë tonë nuk ka femicid.
Ka shtuar se duhet pasur kujdes sepse shkruhen raporte mbi atë që flasin në Parlament.
“Ne nuk jemi shoqëri femicide. Në Kosovë nuk ka femicid, ka dhunë ndaj grave e cila duhet të trajtohet me ligje e norma”, ka thënë ajo.
Deputetja Arjeta Fejza ka thënë se nëse e analizohet femicidi ka të bëjë me vrasjen ndaj grave.
“Ka diskutime të ndryshme e tendenca për ta relativizuar një dukuri ku në Kosovë janë vrarë 66 gra dhe të themi se nuk vriten vetëm pse janë gra besoj që kjo është e papranueshme. S’do mend se në Kosovë
Ministrja e Drejtësisë, Albulena Haxhiu, ka thënë se nuk do të donte që në këtë foltore të ketë një deputete që ka një qasje të tillë për këtë çështje dhe tha se deklarata e Musliut nxit më shumë dhunën ndaj grave.
“Kriminelët iu dëgjojnë dhe inkurajohen nga fjalimet e tilla. Deputete kemi 66 gra që janë vra nga burrat e tyre vetëm pse janë gra. Pres dhe të ftoj t’i bashkohesh angazhimit tonë kundër dhunës në familje. Mendësia jote shfaq mendësinë e qeverisjes së PDK-së sepse asnjë veprim nuk e keni ndërmarrë asnjëherë për ta adresuar dhunën ndaj grave”, ka thënë ajo.
