Thomas Muller raportohet se do të zgjasë qëndrimin e tij te Bayern Munichi.
Ai është pjesë e gjigantit gjerman që nga viti 2009, kur kishte bërë debutimin me ekipin e parë pasi kishte kaluar aventurat me ekipet e grupmoshave të reja, transmeton Gazeta Express.
“Bild” ka raportuar së fundmi se Bayerni dhe Muller kanë rënë dakord për një marrëveshje të re.
Palët thuhet se janë dakorduar për një zgjatje të bashkëpunimit edhe për një sezon më shumë. Kontrata aktuale e 34-vjeçarit skadon në verën e këtij viti.
Një njoftim zyrtar nga klubi për marrëveshjen e re pritet të bëhet në fund të kësaj jave.
Pavarësisht se ka luajtur më shumë nga stoli në kohët e fundit, ndikimi i Mullerit si brenda dhe jashtë fushës ndihet çdo ditë.
Gjermani ka fituar gjithçka të mundur me Bayern Munichin.
