Deputeti i Lëvizjes Vetëvendosje Armend Muja ka reaguar në lidhje me arrestimin e ish-presidentit të Shqipërisë Ilir Meta i cili po akuzohet nga SPAK për korrupcion.
Në akuzën e SPAK-ut thuhet se Ilir Meta ka ndryshuar ligjin për të përfituar miliona euro oligarku Samir Mane.
Deputeti Muja ka bërë një ndërlidhje të rastit të Samir Manes me një rast të ngjashëm në Kosovë që ka ndodhur gjatë qeverisë Hoti ku Samir Mane kishte përfituar miliona euro.
“Saimir Mane njëfarë vakti edhe në Kosovë ka bë ligje kur ka qenë Qeveria Hoti. Me propozim të Grupit Parlamentar të AAK-së, në Ligjin për Rimëkëmbje Ekonomike ishte shtu një amandament për një nen që parashihte lirim të energjisë elektrike për Ferronikelin, i cili atë kohë ishte në pronësi të Saimir Manes dhe të pezullohen pagesat e rentës minerare. Komisioni i Minierave (KPMM) nuk e kishte ngarkuar asnjëherë Ferronikelin me rentë minerare siç parashihte ligji” ka thënë Muja
Muja ka pyetur se a është hetuar ndonjëher nga prokuroria ky pazar apo Daut Haradinaj nuk i ka thënë kryeprokurorit të Prokurorisë Speciale Blerim Isufajt që ta hetojë këtë rast.
“A e ka hetu ndonjëherë Prokuroria këtë pazar? Apo ndoshta Dauti nuk i ka thënë Blerim Isufajt me e hetu këtë rast..” ka përfunduar Muja
