Ministri i Bujqësisë, Pylltarisë dhe Zhvillimit Rural, Armend Muja, ka bërë të ditur se është miratuar Buxheti për vitin 2026, me të cilin buxheti i përgjithshëm i Republika e Kosovës është rreth 4 miliardë euro, ndërsa për Ministrinë e Bujqësisë, Pylltarisë dhe Zhvillimit Rural janë ndarë gjithsej 95,684,279.00 €.
“Buxheti i përgjithshëm i Republikës së Kosovës për vitin 2026 është rreth 4 miliardë euro, ndërsa për Ministrinë e Bujqësisë, Pylltarisë dhe Zhvillimit Rural janë ndarë gjithsej 95,684,279.00 €. Nga kjo shumë, 71,530,000.00 € janë të dedikuara për Pagesat Direkte dhe Programin e Zhvillimit Rural, si dhe 3,000,000.00 € për nënprogramin ‘Dëmet natyrore në bujqësi’,” ka deklaruar Muja.
Ai ka theksuar se brenda buxhetit të përgjithshëm të sektorit, 4,706,160 € janë ndarë për Agjencinë e Pyjeve të Kosovës, 5,252,981 € për Agjencinë e Ushqimit dhe Veterinarisë dhe 1,137,830 € për Institutin Bujqësor të Kosovës, duke siguruar funksionimin dhe forcimin institucional të këtyre organeve kyçe të sektorit agro-rural.
“Brenda buxhetit të përgjithshëm të sektorit, 4,706,160 € janë ndarë për Agjencinë e Pyjeve të Kosovës, 5,252,981 € për Agjencinë e Ushqimit dhe Veterinarisë dhe 1,137,830 € për Institutin Bujqësor të Kosovës, duke siguruar funksionimin dhe forcimin institucional të këtyre organeve kyçe të sektorit agro-rural,” ka thënë ai.
Sipas Mujës, në përputhje me Ligjin për Buxhetin 2026, autorizohet ministri përgjegjës për Bujqësi, Pylltari dhe Zhvillim Rural që, përmes një akti nënligjor, të zbatojë skemat e subvencioneve dhe granteve për Programin e Zhvillimit Rural për vitin 2026 dhe Programin për Pagesat Direkte për vitin 2026, sipas ndarjeve buxhetore të përcaktuara dhe në përputhje me kufizimet e Nenit 12 të Ligjit për Buxhetin.
“Programi vjetor do të zbatohet në harmoni me objektivat e Ligjit Nr. 08/L-072 për Bujqësi dhe Zhvillim Rural, duke synuar rritjen e prodhimit dhe produktivitetit, forcimin e konkurrueshmërisë, mbrojtjen e burimeve natyrore dhe përmirësimin e cilësisë së jetës në zonat rurale,” ka deklaruar ministri Muja.
