Kryeshefi ekzekutiv i Bordit të ndërmarrjes hidroekonomike “Ibër-Lepenci”, Faruk Mujka, nëpërmjet një postimi në profilin e tij në “Facebook”, ka falënderuar të gjithë ata që e mbështeten punën e aktivitetin politik e shoqëror dhe që ishin afër familjes së tij në momentet e vështira që përjetuan pa fajin e tyre. Ai ka thënë se asnjëherë nuk do të pranojë të jetë pre e politikave ditore e partiake dhe që do të shfrytëzohem për t’u sulmuar e baltosur puna dhe sukseset e Qeverisë në përgjithësi dhe posaqërisht kryeministrit në veçanti.
“Të dashur familiarë, miq e dashamirë.
Shfrytëzoj rastin që nga tellësia e zemrës të ju falemnderoj të gjithë juve që më mbështetët këto ditë, patët besim në mua, punën e aktivitetin tim politik e shoqëror dhe që ishit afër familjes time në momentet e vështira që përjetuan pa fajin e tyre.
Asnjëherë prej që jam pjesë e aktiviteteve politike nuk i kam ikur përgjegjësisë e drejtësisë dhe kjo do të vazhdoj derisa të frymoj.
Por gjithsesi asnjëherë nuk do të pranoj të jem pre e politikave ditore e partiake dhe që unë të shfrytëzohem për t’u sulmuar e baltosur puna dhe sukseset e Qeverisë në përgjithësi dhe posaqërisht Kryeministrit në veçanti,”ka thënë Muja.
Ai ka thënë se rruga që kanë marrë është e gjatë, tepër e vështirë me shumë sfida e kurthe, por fatmirësisht është evidente se po shihet caku. Shumë vetë do të ndihen të turpëruar, por mbi të gjitha edhe të çliruar nga puna e lodhshme e shërbyesit të djallit.
Mujka ishte arrestuar nën dyshimin për korrupsion, derisa ishte nënkryetar i komunës së Mitrovicës.
