Nën patronatin e Federatës së Motoçiklizmit të Kosovës sot u mbajt gara motocrosit në qytetin e Pejës.Klubi pejan ’’Motocross Team Peja’’ ishte nikoqir i këtij evenimenti ku u mblodhën qinda adhurues të këtij sporti atraktiv. Në një garë të ashpër pas 2 etapave me nga 20 minuta në kategorinë profesionale triumfoi motorristi nga klubi ’’Motocross Theranda’’ Arbenit Beqiraj duke lënë prapa mot6orristin nga klubi i Gjilanit Blerim Aliu i njohur ndryshe si ’’Livoçi’’ i cili zuri vendin e dytë. Motorristi i talentuar nga Suhareka Kastriot Muqa zuri vendin e tretë edhe pse i njejti gjatë shumicës së kohës ishte duke kryesuar këtë garë.
Ndërsa në kategorinë E2 deri në 250 cc triumfoi motorristi Italian Stefano Di Persiio i cili garon me klubin “Motocross Theranda” menjëher pas tij në vendin e dytë doli Valon Zeqiraj mga po i njejti klub.
Kujtojmë se Arbenit Beqiraj u shpall kampion i Kosovës në motokros për vitin 2021.
Gara e ardhshme pritet të mbahet në Suharekë me 26 qershor të këtij viti.
