Instituti Hidrometeorologjik i Kosovës (IHMK), ka njoftuar se situatë e ngjashme me temperatura do të vijojë edhe gjatë pesë ditëve të ardhshme në Kosovë.
Sipas njoftimit, temperaturat minimale gjatë periudhës 18-22 korrik do të lëvizin ndërmjet 9-15 gradë Celsius, e ato maksimalet ndërmjet 27-33 gradë.
“Indeksi UV do të vazhdojë të mbetet i lartë dhe këshillat e IKSHP dhe të IHMK mbeten në fuqi, që nënkupton kufizimin e kontaktit direkt me rrezet e diellit nga ora 9-17. Do të fryjë erë nga drejtimi i verilindjes dhe jugperëndimit me shpejtësi 1-7m/s”, thuhet në njoftimin e IHMK-së.
