Lëndimi i rëndë i Matteo Pessinës ka ndryshuar planet e Monzës në afatin kalimtar të kësaj verë, me klubin italian që tashmë po shqyrton alternativa për të përforcuar mesfushën.
Kapiteni i Monzës ka pësuar një lëndim në gju dhe pritet të qëndrojë jashtë fushave për një periudhë të gjatë. Kjo situatë ka detyruar drejtuesit e klubit nga Brianza të rikthehen në treg për të gjetur një zëvendësues.
Sipas raportimeve të fundit, në listën e mundësive është edhe Kristjan Asllani. Mesfushori shqiptar, i cili është jashtë planeve të Interit, mund të shihet si një alternativë e përshtatshme për repartin e mesfushës së Monzës.
Interi vlerëson kartonin e Asllanit në rreth 10-15 milionë euro, por klubi zikaltër mund të shqyrtojë edhe një huazim me opsion ose detyrim blerjeje, në varësi të kushteve të marrëveshjes dhe objektivave të Monzës gjatë sezonit.
Ndërkohë, Asllani nuk është përfshirë në listën e lojtarëve të grumbulluar nga Interi për miqësoren e sotme ndaj Betisit, një tjetër sinjal se e ardhmja e mesfushorit shqiptar mund të jetë larg San Siros.
Lëndimi i Pessinës ka krijuar kështu një nevojë të re për Monzën, ndërsa Asllani mund të shfaqet si një nga opsionet konkrete për të mbuluar boshllëkun në mesfushë.
