Situata në komunat veriore të Kosovës ditë e më shumë po i kthehet qetësisë dhe sigurisë dhe jeta për qytetarët e të gjitha komuniteteve tashmë është kthyer në normalitet qëkur në atë pjesë janë larguar bandat e kryekriminelit Milan Radojçiq.
Për herë të parë pas 24 vitesh Artan Xhaka nga Mitrovica është rikthyer në banesën e tij në Mitrovicën Veriore të cilën e kishte të uzurpuar nga serbët.
Lajmin e ka bërë të ditur vetë Artani përmes rrjetit social facebook i cili ka publikuar disa fotografi në momentin e kthimit në banesën e tij.
Me çelës në derë e më fytyrë të buzëqeshur duke hapur derën në të cilën është e vendosur llogoja e institucioneve të Kosovës Artani citon një ajet kuranor :
“E XHUMA, ditë e madhe!
“…durimtarëve u jepet shpërblim pa masë.
Mbas 24 viteve e rikthejm banesën e uzorpuar në pjesën veriore të Mitrovicës”
Këto momente të kujtojnë kohën e pasluftës në Kosovë ku mijëra qytetarë u rikthyen nëpër shtëpitë dhe banesat e tyre të cilët u dëbuan nga regjimi i Millosheviçit, momente të cilat për shqiptarët e Mitrovicës Veriore po përjetohen 25 vite më vonë.
