Universiteti i Prishtinës para 3 ditësh ka hapur konkursin për pranimin e studentëve të rinj.
Në njoftimin e UP-së, thuhet se në afatin e parë të konkursit pritet të pranohen rreth 5 mijë e 497 studentë.
Për të gjithë të interesuarit, UP-ja numëron dhjetëra programe studimore në 14 fakultete, për t’u bërë pjesë e të cilave mund të aplikoni deri më datë 19 korrik 2019”, thuhet në njoftimin e UP-së.
Në anën tjetër, profesori i Universitetit të Prishtinës, Blerim Rexha përmes një postimi në facebook ka treguar programet në të cilat studentët kanë shprehur më së shumti interes, shkruan KosovaNews.
Drejtimi me më së shumti aplikues del të jetë “Mjekësi e Përgjithshme”, me gjithsej 888 studentë të interesuar për studimin e kësaj lëmie.
Në vendin e dytë radhitet drejtimi “Juridik”, ku numri i studentëve që kanë aplikuar është 421. Kurse vendin e tretë për nga aplikimi i sudentëve e zë drejtimi “Inxhinieri Kompjuterike dhe Softuerike”, ku numri i aplikuesve në vetëm 3 ditë është 402.
