Fergus Cumming zëvendësdrejtori i ekonomisë i FCDO vizitoi Kosovën për herë të parë.
Lajmin e ka bërë të ditur ministrja e Ekonomisë, Artane Rizvanolli përmes një postimi në Facebook.
“Kosova është vendi i dytë që ai vizitoi në detyrën e tij të re, një vizitë që u nxit nga vizita e Sekretarit të Jashtëm të Mbretërisë së Bashkuar, David Cameron më 3 janar dhe që është një shenjë e rëndësisë, që Sekretari Cameron i jep Kosovës dhe forcimit të bashkëpunimit ekonomik mes shteteve tona”, ka shkruar Rizvanolli në Facebook.
Ajo ka bërë të ditur se në takim janë diskutuar mundësitë e investimeve në Kosovë, duke u përqendruar në fushat e energjisë, telekomunikacionit, minierave, ujërave dhe mjedisit.
“Gjatë takimit, zëvendësdrejtori Cumming na uroi për arritjen e suksesshme të ankandit solar”, ka shkruar Rizvanolli.
