Ministrja e Drejtësisë, Albulena Haxhiu e ka nënshkruar sot udhëzimin e ri administrativ, me të cilin caktohen tarifa të arsyeshme duke iu mundësuar kështu qytetarëve shpenzime të përballueshme për shërbimet noteriale.
Haxhiu njoftoi se sot e ka nënshkruar Udhëzimin e ri Administrativ për Tarifat Noteriale, me të cilin ulen konsiderueshëm tarifat për shërbimet noteriale.
Madje sipas saj, disa kategori do të lirohen fare nga pagesat për këto shërbime.
“Lirohen në tërësi nga tarifat noteriale fëmijët pa kujdes prindëror, personat me nevoja të veçanta, personat që kërkojnë të realizojnë të drejtat në Qendrën për Punë Sociale dhe personat që përfitojnë nga Ligji për Ndihmë Juridike Falas. Pamundësohet tarifimi i vërtetimit të dokumenteve që ruhen në dosjen e aktit noterial me çka ulen dukshëm shpenzimet e palës pranë noterit”, ka njoftuar Haxhiu.
Me këtë Udhëzim Administrativ caktohen tarifa të arsyeshme duke i mundësuar qytetarëve shpenzime të përballueshme për shërbimet noteriale./KosovaNews/