Pas pajises së Klinikës së Mjekësisë Bërthamore me aparaturën SPECT/CT/PET ministri i shëndetësisë Arben Vitia është shprehur i lumtur që kanë arritur të vënë në funksion fjalën e fundit të teknologjisë që asnjë nga shtetet e rajonit nuk e kanë.
“Jemi shumë të lumtur që sapo e përfunduam një ceremoni e cila ka një rëndësi të jashtëzakonshme për qytetarët e Republikës së Kosovës sepse sapo inauguruam vënien në funksionit, fjalën e fundit të teknologjisë që asnjë nga shtetet e rajonit nuk e kanë këtë lloj aparature ku tani e tutje qytetarët e Republikës së Kosovës nuk do të kenë nevojë të dalin jashtë shtetit por do t’i marrin shërbimet brenda shtetit të Republikës së Kosovës”, ka thënë Vitia.
Vitia me këtë rast ka falënderuar miqtë e Arabisë Saudite, presidenten Osmani dhe ish presidenten Jahjaga për angazhimin.
“Dua të falënderoj edhe njëherë miqtë prej Arabisë Saudite për punën edhe angazhimin e tyre edhe për këtë donacion me impakt kaq të madh në jetën e qytetareve tanë e po ashtu presidenten Osmani e cila me një përkushtim të jashtëzakonshëm gjatë këtyre muajve ka punuar që kjo pajisje të vije sa më shpejt te ne dhe natyrisht duke mos harruar atë që ka filluar këtë proces, ish presidenten Adifete Jahjaga e cila vitin 2022 ka filluar si bisedë e cila sot është bërë realitet”, ka thënë Vitia.
Në pytjen e bërë cili ishte kontributi i kryetarit Rama në gjithë këtë projekt, ministri Vitia ka thënë se ky është një investim i përbashkët.
“Kjo është një investim i përbashkët. Investim kulminant është fondacioni që na ka dhënë, besoj të gjithë këta që janë përmend kanë një arsye që janë përmend për kontributin dhe për përkushtimin në këtë projekt kaq madhor. Ajo që sot duhet tëi gëzohemi, besoj të gjithë pa përjashtim është se tash e tutje në sektorin publik do të ofrohet një shërbim që nuk ka qenë më herët në Kosovë dhe tash e tutje Republika e Kosovës në sektorin publik e ka aparaturën e vetme në rajon”, ka thënë Vitia.
Ndërsa drejtori i Klinikës Mjekësisë Bërthamore, Fakir Spahiu ka treguar se kjo është një aparaturë e sofistikuar e cila do të ndihmojë në diagnostifikimin e hershëm të materialit radioaktiv.
“Është aparaturë e sofistikuar dhe është për herë të parë në regjionin e Ballkanit. Është një aparaturë moderne e cila do të na ndihmojë diagnostifikimin e hershëm nëpërmjet të materialit radioaktiv FDG, i cili do të sigurohet nga ne. Procedurat do të fillojnë shumë shpejtë, i cili do të bëhet gjatë muajit maj. Është një aparaturë 1.9 milionë euro. Ne jemi duke e kryer trajnimin për stafin e mesëm dhe mjekët tanë specialistë të mjekësisë nukleare. Me ndihëm e presidentes (Osmani) dhe ministrit Vitia ne kemi bërë renovimin e objektit, instalimin e aparaturës dhe rreth 200 mijë euro investim”, ka thënë Spahiu.
