Ministria e Shëndetësisë ka njoftuar për marrjen e masave ndaj 28 shkelësve të vendimit, për kufizim të orarit të punës për shkak të temperaturave të larta.
“Këto masa janë ndërmarrë në bashkëpunim me Inspektoratin e Punës dhe organet tjera relevante, me qëllim që të ruhet shëndeti i qytetarëve”, njofton MSH.
Sipas këtij vendimi, nga sot e deri më 20 korrik, lirohen nga puna gratë shtatzëna, në rast të pamundësisë së lirimit nga puna, sipas paragrafit 1 të këtij vendimi, gratë shtatzëna punojnë nga shtëpitë.
Kurse, qytetarët me sëmundje kronike punojnë me orar të shkurtuar deri në 4 orë në ditë. Puna ndalohet edhe në sektorin e ndërtimtarisë, në ambiente të hapura, gjatë orarit 11:00 – 17:00, në të gjithë territorin e Republikës së Kosovës.
