Ministria e Shëndetësisë ka apeluar tek qytetarët e Kosovës që të kenë kujdes nga temperaturat e larta, të cilat po mbizotërojnë këto ditë në vendin tonë.
Sipas Institutit Kombëtar të Shëndetësisë Publike, temperaturat maksimalet të ditës së sotme janë paraparë të lëvizin ndërmjet 27-35 gradë Celsius.
Me këtë rast, IKSHPK kërkon që qytetarët të qëndrojnë në hije, të shmangen daljet gjatë orëve të ditës dhe të mos lihen fëmijët në vetura të parkuara.
“KUJDES NGA TEMPERATURAT E LARTA!
Qytetarë të dashur, këto ditë duhet të keni kujdes të shtuar nga temperaturat e larta.
Ju lutemi, përmbajuni rekomandimeve të Ministrisë së Shëndetësisë dhe Institutit Kombëtar të Shëndetësisë Publike.
#ministriaeshëndetësisë”, thuhet në njoftim.
